اللي بنى مصر كان فى الأصل حقاني لا عمــره كان سلفى ولا حتى إخواني ولا جــــده ليبـرالي ولا أصله علماني صاين حقـــوق الناس عارف حدود ربه وولاده من بعـــده على منهجــه إتربوا ... كان حتى طوب الأرض يشهد له و يحبه لا لكرسى ولا سلطان كان عمره شهوانى
اللى بنى مصر كان ف الأصل واد مجـدع يفهم ف معنى الشرف لايخون ولا يخدع فنان يمــوت ف الغنـا وف الصـــلا يخضع بإيديه رســـــم سكته وحـــط دستـوره شال البلد ف عينيه خلـــدها ف سطوره لا اتغـــر واتكبر ولا علىَّ يـوم ســـــــوره ولناسه خده مداس وقلبه كـــــان مخدع
اللى بنى مصر كان عالــــم وكان منشد ف الحق زى السيف وعشانه كان يحشد طيب مع المظلــوم ومع اللى ظلمه يشد فلاح يحب الغيـط وف ورشته أسطى ولو سألته يقول أهى ماشية وألاسطة بينه وبين ربه ماكـــانش فيه واسطـة لا خليه وجمـــاعة ولا مُلا ولا مرشـــد