يّ زين الفطور من يدي ولايد البنغالي .. >> طبخي ^_^

**shirouk❤** · الأربعاء فبراير 06, 2013 7:24 am

يّ زين الفطور من يدي ولايد البنغالي .. >> طبخي ^_^

السلام عليكم ورحمه الله وبركاته
صباحكم واحد طلع من البيت وأهله كلهم موجودين، ورجع عقب الفجر لقى البيت كنه صحراء قاحله مافيه ولا آدمي ..
يالله أن تحيهم وتبقيهم .. المشكله الواحد لاقعد ف البيت لحاله يتخيل له أشياءن واجد ويقعد يوسوس ويحسد أن الناس الي برا كلهم ضده
الموهيم مالكم بالطويله ...
جت الساعه 8,30 الصبح ، وأسمع بطني يطلق صفاره الانذار يقول قم صلح لك شي وكله يّ مال العافيه .. طبعاً حنا يا الشباب ملينا من أكل المطاعم والفرفره ف الشوارع ، وجانا تطفح ف الجلد وماغير جلودنا صار عليها علامات من مطاعم هالشركات مثل ماك وهرفي والبقيه ...
قلت بما أن البيت فاضي ، ومافيه أحد يشغلني ولا يدبل تسبدي خلني أدخل المطبخ وأبدع شوي وأقلب المطبخ فوق وتحت عشان أرضي بطني البريئ

طبعاً الاكله الي راح أعرضها عليكم ، صعبه مره يليت يتم منكم التركيز العالي ، وأتمنى بعد يكون اللاب توب ف المطبخ عشان تطبقون الطبخه بحذافيرها

بسم الله نبدا ؟ فيه أحد ماجهز ؟ أنتي أنتي أيه أنتي البسي المريله زين يّ مال الشحم

يله بدينا ، وأي أسئله منكم أثناء الشرح ترا راح مايلوم إلا نفسه

أول شي أغسلي المقلاه غسيلن زي الناس ، وأفركيه بالفوطه مثل ماتفركين وجهك إذا خلصتي من المكياج

ثمن جيبي ثلاث بيضات لونها بيض ، وحاولو أنكم ماتكثرون لان كثرة البيض تجيب الحرقان ف التسبد ومر في راس المعده

وإذا كسرتي البيض على جبهتكي ، أفرشيه على المقلاه ومن ثما أخلطيه خلطاً قوياً ، وحاولي أن تلعبي به يميناً ويساراً نفس الصوره الي بتجيكم الحين

بس أنتي يّ أيتها الفتاة ، لاتعملي بأ صبعك حركه ( الاوكيه ) لان أصابيعكم تخوف

...

وإذا خلطتي البيض ومرشتيه قوياً ، روحي أفتحي ثلاجتكم ودوري سطل لبنه نفس الي عندنا ،، تفضلوا صورته

إذا لقيتوا نفس هالسطل أحمدو ربكم على هالنعمه ، وإذا مالقيتو هالسطل روحوا أطلبو من البقاله

بعد ما تفتحون السطل ، جيبوا ملعقه وخذو كم غرفه وأنطلوها في وسط هالمقلاه ، وحركوا يمين ويسار ويليت يكون التحريك قوي ، وأبقولكم طريقه أريح لكم .. وأنتي تحركين الملعقه تذكرين أنتس ترقصين في عرس من العروس وكل الناس يناظرونك

.....

وعقب هالتعب يّ وخيتي ، راح يطلع لك أححلى فطور من وصفة الشيف / سوفليه
دوكم هالصوره ..

تنبيه / قبل ماتسون هالمكونات ، يليت تحجزون سرير على أقرب مستشفى عندكم ،، وشكراً

الي راح المستشفى عقب هالحفله ـ يعطيني لايك وتقييم

**احمد رمضان** · الخميس فبراير 07, 2013 1:45 am

يّ زين الفطور من يدي ولايد البنغالي .. >> طبخي ^_^

مفيش فايدة
مواضيعك قمة في الروعه
سواء المأكولات او
اي موضوع تنشريه

**ράṡ δє ταнℓέβ** · الجمعة فبراير 08, 2013 4:22 pm

يّ زين الفطور من يدي ولايد البنغالي .. >> طبخي ^_^

سلمت آنآملگ آخي آلگريم شگرآ لگ لموضوعگآلمميز